ପାପୁଲି

Share Samadhwani

ପାପୁଲିର କେଉଁ ରେଖା
କହୁଥିଲା ଯେ
ହାତରୁ ଏ ଛିନ୍ନହେବ
ଓ ନିଃସଙ୍ଗ ଗଡ଼଼ିବ?

ଯେଉଁ ପାପୁଲିକୁ ଧରି
ମା’ ମୋର ଚାଲି ଶିଖାଇଲା
ଯାହାକୁ ମୁଁ ଆଶ୍ରା କରି
ଗଛରେ ଚଢ଼ିଲି
ତାଳ ଧରି ବାହି ହେଉଥିଲି ।

ଯେଉଁ ପାପୁଲିରେ ମୁଁ ପାଇଲି
ମୋ ପ୍ରିୟାର ଚିବୁକ ଉଷ୍ମତା
ପାପୁଲିକୁ ମୁଠାକରି
କହୁଥିଲି ଶକ୍ତିଶାଳୀ ଆମେ
ସେ ପାପୁଲି ଛିନ୍ନ ହେବ
କେଉଁ ରେଖା କହୁଥିଲା ସତେ?

ଏ’ତ ଇତିହାସ କଥା
ଆଙ୍ଗୁଳି କାଟିବା
ଗୁରୁର ଦକ୍ଷିଣା ପାଇଁ
ଏକଲବ୍ୟର

ଏ’ତ ଇତିହାସ କଥା
ଆଙ୍ଗୁଳି କାଟିବା
କମ୍ପାନୀ ବଜାର ପାଇଁ
ବୁଣାକାରର

ଏବେ ପାପୁଲି କଟିଲା
ଇତିହାସ ହେଲା
ନିର୍ବାଚନୀ ପ୍ରତୀକଟା
ଜୀବନ୍ତ ହୋଇଲା–
ବୁଝାଗଲା-
ଯେ କିଛି ବଦଳିନି, ବଦଳୁନି
ଏକଲବ୍ୟଠାରୁ
ଆଜିଯାଏ
ତଥାପି ଖୋଜୁଚି
ପାପୁଲିରେ ରେଖାଟେ
ଯେ କହିବ
ବଦଳିବ, ନିଶ୍ଚେ ବଦଳିବ

ନା କେବେ ଆଙ୍ଗୁଳି କଟିବ
ନା ପାପୁଲି ହାତରୁ ଖସିବ
ଯେ କହିବ
ଏ ପାପୁଲି ଖୁବ ଶକ୍ତ ହେବ
ତା ଭିଟାମାଟି
ତା ପାଣିପବନକୁ
ତା ହାତ ମୁଠାରେ ରଖିବ ।

Photo Credit -https://bit.ly/3vKxqsb


Share Samadhwani
Support Samadhwani

About ପ୍ରଫେସର ବୀରେନ୍ଦ୍ର ନାୟକ

ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

ପ୍ରଥମ ଓଡ଼ିଆ ଦଳିତ ଉପନ୍ୟାସ : ଏକ ଦୃଷ୍ଟି

Share Samadhwaniଦୁନିଆର ବହୁତ କଥାକୁ ବୁଝିହୁଏ ସିନା ଅସଲରେ ବୁଝେଇ ହୁଏ ନାହିଁ । ‘ସାହିତ୍ୟ’ ବି ସେଭଳି ଏକ …