Home / ସମଧ୍ୱନି ସମ୍ପର୍କରେ (About Samadhwani)

ସମଧ୍ୱନି ସମ୍ପର୍କରେ (About Samadhwani)

Share Samadhwani

ନିଜ କଥା

୨୦୦୦ ମସିହା ପରର କଥା । ସାଧାରଣ ମଣିଷର ସ୍ୱରକୁ ସଙ୍ଗୀତରେ ପରିପ୍ରକାଶ କରିବା ଓ ବୁଲି ବୁଲି ସେହିସବୁ ଗୀତ ବିଭିନ୍ନ ସ୍ଥାନରେ ବର୍ଷ ବର୍ଷ ଧରି ଏକୁଟିଆ ଗାଇବାର ଅଭ୍ୟାସଟିକୁ ସାମୂହିକ ରୂପ ଦେବାପାଇଁ ମନ ଆନ୍ଦୋଳିତ ହେଉଥିଲା । ଯେଉଁ ଚିନ୍ତା ବହୁତ ଦିନରୁ ମନକୁ ଘାରିଥିଲା ତାକୁ ସାଙ୍ଗଠନିକ ରୂପ ଦେବାପାଇଁ ପ୍ରୟାସ ଆରମ୍ଭ ହେଲା । ଏହି ପ୍ରୟାସ ସହିତ ଧିରେ ଧିରେ ଯୋଡ଼ିହୋଇଗଲେ ପ୍ରଗତିଶୀଳ ସଂସ୍କୃତିର ଅନେକ କଳାକାର, ବୁଦ୍ଧିଜୀବୀ, କଳାପ୍ରେମୀ ବ୍ୟକ୍ତି ବିଶେଷ । ଉଦ୍ୟମଟି ଆରମ୍ଭ ହେଲା ଭୁବନେଶ୍ୱର ସହର ଭିତରୁ । ପାଖାପାଖି ଆଦିବାସୀ ଗାଁର କିଛି ଯୁବ କଳାକାରମାନେ ସେତେବେଳେ ସାଥି ଦେଲେ କାମଟିକୁ ଆଗେଇ ନେବାପାଇଁ । ଏହି ଉଦ୍ୟମଟିର ଲୋକାର୍ପଣ ହୋଇଥିଲା ୨୦୦୫ ମସିହା ଅଗଷ୍ଟ ୧୫ ତାରିଖରେ ହୋଇଥିବା ସାଂସ୍କୃତିକ କାର୍ଯ୍ୟକ୍ରମରେ । ଯଦିଓ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ଅଧିକ ସମ୍ଭବ ହୋଇପାରିଲାନାହିଁ ଅର୍ଥାଭାବରୁ। ସବୁଆଡେ ବୁଲି ବୁଲି ଗାଇବା ଓ ଭୁବନେଶ୍ୱର ସହର ଭିତରେ ଗୋଟିଏ ଘର ନେଇ ଏହାକୁ ଚଳାଇରଖିବା କଷ୍ଟ ହେଲା । ଏହାକୁ ନିଜ ବାସଭବନକୁ ସ୍ଵୟଂପ୍ରଭା ସ୍ଥାନାନ୍ତର କରି ଏହି ଉଦ୍ୟମକୁ କେମିତି ବଞ୍ଚାଇ ରଖିବେ ପ୍ରୟାସ ଆରମ୍ଭ କଲେ । ସେତେବେଳେ ଅନେକ ସହଯୋଗ ନୂଆ ନୂଆ ବନ୍ଧୁ ମାନଙ୍କ ନିକଟରୁ ମିଳିବା ଆରମ୍ଭ ହେଲା । ଲକ୍ଷ୍ୟ ରହିଲା ଓଡ଼ିଶାର ତଥା ଭାରତବର୍ଷର କୋଟି କୋଟି ଜନତାଙ୍କର ସ୍ୱରକୁ ସଙ୍ଗୀତ ମାଧ୍ୟମରେ, କଳା ମାଧ୍ୟମରେ ତଥା ନାଟକ, ସାହିତ୍ୟ, ଫିଲ୍ମ ଆଦି ମାଧ୍ୟମରେ ପରିପ୍ରକାଶ କରିବା । ଏଥିପାଇଁ ଅନେକ ବନ୍ଧୁ ଓ ସଂସ୍କୃତି ପ୍ରେମୀ ସହଯୋଗ ମଧ୍ୟ କଲେ । ନିଜର ଲଖ୍ୟକୁ ବ୍ୟାପକ କରିବାପାଇଁ ୨୦୧୧ ମସିହାରେ “ସମସ୍ୱର” ସଙ୍ଗୀତ ଆଲବମ୍ ସିରିଜ୍ ତିଆରି ହେଲା । ଆଲବମ ପ୍ରସ୍ତୁତି ଅତ୍ୟନ୍ତ ବ୍ୟୟବହୁଳ ଥିଲା ଯାହାଫଳରେ ଅର୍ଥାଭାବରୁ ଗୀତ ରେକର୍ଡ଼ଂ କାର୍ଯ୍ୟ ବାଧାପ୍ରାପ୍ତ ହୋଇଥିଲା, ଯାହାକୁ ପୁଣିଥରେ ଆଗେଇନେବାପାଇଁ କିଛି ସାଥି ଏବେ ଏକାଠି ହୋଇଛନ୍ତି । ସମଧ୍ୱନି ସାଂସ୍କୃତିକ ପତ୍ରିକା ମାଧ୍ୟମରେ ଅଧିକ ଲୋକଙ୍କୁ ଏହି ଉଦ୍ୟମରେ ସାମିଲ କରିବାପାଇଁ ୨୦୧୨ ମସିହାରେ ଏକ ନୂତନ ଉଦ୍ୟମ ଆରମ୍ଭ ହେଲା, ଯାହା ଏବେ ୧୦ ବର୍ଷ ପୂରଣ କରିସାରିଛି ଓ ଏବେବି ଧାରାବାହିକ ଭାବରେ ପ୍ରକାଶିତ ହେଉଛି। ତଥାପି ସମଧ୍ୱନିକୁ ବ୍ୟାପକ ଭାବରେ କଳାକାରମାନଙ୍କ ସହିତ ଓ ହଜି ହଜି ଯାଉଥିବା ବିଭିନ୍ନ ଲୋକକଳା ସହିତ ଯୋଡ଼ିବାପାଇଁ ଓ ସମସ୍ତଙ୍କ ସ୍ୱରକୁ ଗୋଟିଏ ସୂତାରେ ବାନ୍ଧି ରଖିବା ଉଦ୍ଦେଶ୍ୟ ନେଇ ସମଧ୍ୱନି ଡିଜିଟାଲ କ୍ଷେତ୍ରରେ କାମ ଆରମ୍ଭ କଲା ୨୦୧୭ ମସିହାରେ, ଯାହାର ଲୋକାର୍ପଣ ହେଲା ୨୦୧୮ ମସିହା ମାର୍ଚ୍ଚ ୧୦ ତାରିଖରେ । ସୋସିଆଲ ମିଡ଼ିଆରେ ବିଶେଷକରି ୟୂଟ୍ୟୁବ ଠାରୁ ଆରମ୍ଭ କରି ଫେସବୁକ, ଇନଷ୍ଟାଗ୍ରମ ଓ ଟୁଇଟର ଆଦି ମାଧ୍ୟମକୁ ସମଧ୍ୱନି ଲୋକ ସମ୍ପର୍କ ପାଇଁ ମଧ୍ୟ ବ୍ୟବହାର କରିଚାଲିଲା । ସମଧ୍ୱନି ଟିମର ଉଦ୍ୟମରେ ଅନେକ ଲୋକକଳାକାର ଓ ଲୋକକଳା ଉପରେ ଗବେଷଣାତ୍ମକ ଲେଖା ପ୍ରକାଶିତ ହେଲା । ‘ଗଁଡ଼ାବଜା’ ଭଳି ପଶ୍ଚିମ ଓଡ଼ିଶାର ଏକ ଆଦି ବଜା ଉପରେ ଡ଼କ୍ୟୁମେଣ୍ଟାରୀ ଫିଲ୍ମ ପ୍ରସ୍ତୁତ କରାଗଲା । ଧାରାବାହିକ ଭାବରେ ବିଭିନ୍ନ ମାଧ୍ୟମର ସହଯୋଗ ଓ ଉଦ୍ୟମ ଯୋଗୁଁ ଓଡ଼ିଶାର ବିଭିନ୍ନ ଅଞ୍ଚଳର କଳାକାର, ସଂସ୍କୃତି ପ୍ରେମୀ ଜନଗଣ, ଯୁବ ସାହିତ୍ୟିକ, ଲେଖକ, ନାଟ୍ୟକାର, ବୁଦ୍ଧିଜୀବୀ, ଛାତ୍ରଛାତ୍ରୀମାନେ ଯୋଡ଼ିହୋଇ ଚାଲିଲେ । ଏହି ପ୍ରକ୍ରିୟା ଜାରୀ ରହିବା ଜରୁରୀ ଏବଂ ଏଥିପାଇଁ ସମ୍ମିଳୀତ ଉଦ୍ୟମର ଆବଶ୍ୟକତାକୁ ସମଧ୍ୱନି ସବୁବେଳେ ଅନୁଭବ କରିଆସିଛି । ସେଥିପାଇଁ ବିଭିନ୍ନ ଅଞ୍ଚଳର ଯୁବ, ଛାତ୍ରଛାତ୍ରୀ ମାନଙ୍କୁ ଏହି ପ୍ରକ୍ରିୟା ସହିତ ପରିଚିତ କରାଇବା ସହିତ ନିଜ ନିଜ ଅଞ୍ଚଳର ସଂସ୍କୃତିକୁ ଜାଣିବା, ବୁଝିବା ଓ ଏହାକୁ ବଞ୍ଚାଇ ରଖିବାପାଇଁ ନିଜେ ଉଦ୍ୟମ କରିବା ପାଇଁ ସେମାନଙ୍କୁ ପ୍ରେରଣା ଦେବା ମୁଖ୍ୟ ଲକ୍ଷ୍ୟ ଭାବରେ ଗ୍ରହଣ କରାଯାଇଛି । ଯୁବପିଢ଼ି ଉଦ୍ୟମ ନେଲେ ହିଁ ଆମ ସମାଜ ଓ ସଂସ୍କୃତିର ଭବିଷ୍ୟତ ସୁରକ୍ଷିତ ହୋଇପାରିବ ଏମିତି ଏକ ଆଶା ଓ ବିଶ୍ୱାସ ନେଇ ଗାଁ ଓ ଗାଁର ସଂସ୍କୃତି ସହିତ ଯୋଡ଼ିହୋଇ ରହିବାପାଇଁ ଉଦ୍ୟମ ଜାରୀରହିଛି । ଏହି ଉଦ୍ୟମ ସହିତ ଯେତେ ଅଧିକରୁ ଅଧିକ ଯୁବକ, ଯୁବତୀ, ଛାତ୍ରଛାତ୍ରୀ, କଳା, ସଙ୍ଗୀତ ପ୍ରେମୀମାନେ ଯୋଡ଼ିହେବେ କାମଟି ସେତେ ଆଗକୁ ଆଗକୁ ଆଗେଇ ଚାଲିବ । ଏହିସବୁ କାମକୁ ସମଧ୍ୱନି କୌଣସି ବଡ଼ ବଡ଼ କର୍ପୋରେଟ ସହଯୋଗ ବିନା ହିଁ ଆଗେଇ ନେବାପାଇଁ ଆରମ୍ଭରୁ ପ୍ରୟାସ କରିଆସିଛି । ସମଗ୍ର ରାଜ୍ୟ ଓ ଦେଶର ଆମ ବନ୍ଧୁ, ସହଯୋଗୀ ତଥା କଳାପ୍ରେମୀ ପାଠକ ଓ ଦର୍ଶକମାନେ ହିଁ ଆମର ପୁଞ୍ଜି । ସେହିମାନଙ୍କ ସହଯୋଗରେ ଭାରତବର୍ଷର ଅନେକ ଡିଜିଟାଲ ପତ୍ରିକା ଓ ୟୂଟ୍ୟୁବ ଚ୍ୟାନେଲମାନେ ବହୁତ ଗୁରୁତ୍ୱପୂର୍ଣ୍ଣ କାମ କରୁଛନ୍ତି ଏବଂ ସେହିଭଳି ସହଯୋଗ ସମଧ୍ୱନିକୁ ଆଜିଯାଏ ବଞ୍ଚାଇ ରଖିଛି । ସମଧ୍ୱନିର ବାର୍ତ୍ତାକୁ ସର୍ବଭାରତୀୟ ସ୍ତରରେ ଓ ସମଗ୍ର ବିଶ୍ୱ ଦରବାରରେ ପହଞ୍ଚାଇବା ପାଇଁ ଆମେ ଇଂରାଜୀରେ ଗୋଟିଏ ପୃଷ୍ଠା ଆରମ୍ଭ କରିଛୁ, ଯାହାର ମୂଳରେ କିଛି ଯୁବ ଚିନ୍ତକ ରହିଛନ୍ତି । ସମସ୍ତଙ୍କର ସହଯୋଗରେ ସମଧ୍ୱନିର ଉଦ୍ୟମ ଆହୁରି ଆଗେଇ ଚାଲିବ ଏଭଳି ଏକ ଆଶା ଓ ବିଶ୍ୱାସ ଆମକୁ ପ୍ରେରଣା ଦେଉଛି ସବୁ ପ୍ରତିକୂଳ ପରିସ୍ଥିତିକୁ ସାମ୍ନା କରି ଏହି କାଯ୍ୟକୁ ଆଗେଇନେବାପାଇଁ । କେବଳ ସେଇ ଆଶା ଟିକକ ହିଁ ଆଜିର ଦିନରେ ଆମ ସମସ୍ତଙ୍କର ପୁଞ୍ଜି ।

ଧନ୍ୟବାଦର ସହ

ସ୍ୱୟଂପ୍ରଭା ପାଢ଼ୀ (ସମ୍ପାଦକ)

 

 

‘ସମଧ୍ୱନି’ ବିଶ୍ୱାସ କରେ :

ମଣିଷ ମଣିଷ ଭିତରେ ଜାତି, ଧର୍ମ, ଆଞ୍ଚଳିକତା ଓ ଲିଙ୍ଗ ଭିତ୍ତିକ ଭେଦଭାବ ମନୁଷ୍ୟ କୃତ, ପ୍ରକୃତି ସୃଷ୍ଟ ନୁହେଁ ।

ସବୁ ମଣିଷ ଭିତରେ ପ୍ରକୃତି ଭରି ଦେଇଛି ଅନେକ ଗୁଣ ଓ କଳାକାରିତା ।

ସମସ୍ତଙ୍କ ଭିତରେ କଳାର ସନ୍ଧାନ

ସମସ୍ତ ପ୍ରକାର କଳାର ଅଭିବ୍ୟକ୍ତିକୁ ଓ କଳାକାରଙ୍କୁ ସମ୍ମାନ ପ୍ରଦର୍ଶନ

କଳାର ଏହିସବୁ ଅଭିବ୍ୟକ୍ତିକୁ ଆଧାର କରି ମଣିଷ ଭିତରେ ମାନବିକ ମୂଲ୍ୟବୋଧର ସୃଷ୍ଟି ଓ ସାଂସ୍କୃତିକ ସହାବସ୍ଥାନ

ଏକ ଯୁଦ୍ଧଖୋର ବିଶ୍ୱ ନୁହଁ ବରଂ ଶାନ୍ତି, ମୈତ୍ରୀ, ସଂହତି ଓ ସମାନତା ଭିତ୍ତିକ ବିଶ୍ୱର ପରିକଳ୍ପନା ।

ଏକ ବୃହତ୍ତର ଉଦ୍ଦେଶ୍ୟ ନେଇ ପୃଥିବୀକୁ ଯୁଦ୍ଧ, ହିଂସା ଓ ଲାଭ ଲୋଭର କବଳରୁ ରକ୍ଷା କରିବା ପାଇଁ ଆମ୍ଭେ ନିଜର ଲକ୍ଷ୍ୟ ଓ ବିଶ୍ୱାସକୁ ଆଗେଇନେଇ ଚାଲିଛୁ ।

SAMADHWANI

COMMON PEOPLE’S VOICE

Samadhwani is a humble initiative to bring together the marginalized and suppressed voices of the most common people in our society. It intends to work as a catalyst of the cultural transformation process by involving the creative, humanist, and visionary elements of different sections of our society. The efforts will bear fruits only if we all take part in this collective process.

SAMADHWANI BELIEVES :

Nature has created every human being equal but man created religion, caste, gender, and regional differences to divide themselves.

Every human being have their own qualities and they are equally talented

A thrust to see the inner talents within every human being

To respect all artists and their artistic

All these cultural ways will be worked as groundwork to spread the message of humanitarianism and cultural co-existence in the society

A world full of peace, friendship, solidarity, and equality and where violence and war have no presence

With a greater mission to save the world from war, violence, and greediness of profit “Samadhwani” has found its own way to go forward

On 2005, August 15th the first day of the “Samadhwani” cultural organization it has taken forward this mission.

In this process “Samadhwani” has included many creative, humanitarian, and visionary people from different strata of society.

Our mission will succeed when Samadhwani will successfully takes part in its role in the process of cultural transformation.

Waiting only for Love and Support from friends, readers, and well-wishers

Swayamprava Parhi (ADMIN/ EDITOR SAMADHWANI)


Share Samadhwani
Support Samadhwani