ଗାନ୍ଧୀ ହରଣ

Share Samadhwani

ସ୍ୱଚ୍ଛତାର ଡାକ ଦେଇ

ଚଷମା ତ ନେଇଥିଲ,

ଖଦୀକୁ ଆଳ କରି

ଏବେ ଚରଖାଟି ନେଲ ।

ଅପେକ୍ଷା ବାଡି କେବେ ଯିବ

ଦାଣ୍ଡି ଯାତ୍ରା କ୍ୟାଲେଣ୍ଡରରେ

ଆଉ କେଉଁ ନେତା ହାତରେ ଦିଶିବ ।

ନେଉ ନାହଁ,

 ଓଠରେ ଲାଗିଥିବା

ମନଖୋଲା ହସ ।

ନେଉ ନାହଁ,

ଫୁଗୁଂଳା  ଦେହେ

ଦଂଗାଗ୍ରସ୍ତ ଅଂଚଳରେ ଚାଲିବାର

ଅଦମ୍ୟ ସାହସ ।

ନେଉ ନାହଁ,

ଅନଶନ ମୁଦ୍ରା

କରିବାକୁ ପ୍ରଶମିତ

ହିଂସାର ପରାସ ?

ହେଉଅଛି ଯଦି ବ୍ୟକ୍ତିତ୍ୱ ହରଣ,

ନ ହେଉ କେବଳ ତାହା ଶସ୍ତା ବିଜ୍ଞାପନ ।

ହେଉ ଏକାକାର

ଉଚ୍ଚାରଣ ସହ ଆଚରଣ

ଯାହା ଥିଲା ଗାନ୍ଧୀଙ୍କ ଆହ୍ୱାନ

ସତ୍ୟ ଓ ଅହିଂସାର ପଥେ ଜୀବନ ସନ୍ଧାନ ।

Photo credit- Internet


Share Samadhwani
Support Samadhwani

About ପ୍ରଫେସର ବୀରେନ୍ଦ୍ର ନାୟକ

ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

କଥା ସାହିତ୍ୟର କୁହୁକ ପୁରୁଷ ଗାବ୍ରିଏଲ୍ ଗାର୍ସିଆ ମାକ୍ୱେର୍ଜ୍‌

Share Samadhwaniଆପଣ ଲେଖାଲେଖି ଆରମ୍ଭ କଲେ କେମିତି- ପ୍ରଶ୍ନଟିର ଉତ୍ତର କ’ଣ ଏତେ ସହଜ ହୋଇପାରେ? ମାକ୍ୱେର୍ଜ୍ କିନ୍ତୁ ଖୁବ୍ …