ସ୍ୱଚ୍ଛତାର ଡାକ ଦେଇ
ଚଷମା ତ ନେଇଥିଲ,
ଖଦୀକୁ ଆଳ କରି
ଏବେ ଚରଖାଟି ନେଲ ।
ଅପେକ୍ଷା ବାଡି କେବେ ଯିବ
ଦାଣ୍ଡି ଯାତ୍ରା କ୍ୟାଲେଣ୍ଡରରେ
ଆଉ କେଉଁ ନେତା ହାତରେ ଦିଶିବ ।
ନେଉ ନାହଁ,
ଓଠରେ ଲାଗିଥିବା
ମନଖୋଲା ହସ ।
ନେଉ ନାହଁ,
ଫୁଗୁଂଳା ଦେହେ
ଦଂଗାଗ୍ରସ୍ତ ଅଂଚଳରେ ଚାଲିବାର
ଅଦମ୍ୟ ସାହସ ।
ନେଉ ନାହଁ,
ଅନଶନ ମୁଦ୍ରା
କରିବାକୁ ପ୍ରଶମିତ
ହିଂସାର ପରାସ ?
ହେଉଅଛି ଯଦି ବ୍ୟକ୍ତିତ୍ୱ ହରଣ,
ନ ହେଉ କେବଳ ତାହା ଶସ୍ତା ବିଜ୍ଞାପନ ।
ହେଉ ଏକାକାର
ଉଚ୍ଚାରଣ ସହ ଆଚରଣ
ଯାହା ଥିଲା ଗାନ୍ଧୀଙ୍କ ଆହ୍ୱାନ
ସତ୍ୟ ଓ ଅହିଂସାର ପଥେ ଜୀବନ ସନ୍ଧାନ ।
Photo credit- Internet
