ମା କୋଳରୁ ଶିଶୁକୁ ଛଡାଇ ନେବା
ନୂଆ କଥା ନୁହେଁ,
ଗୁମୁଡିମାହାରେ ହେଉ ଅବା ମଥୁରାରେ ହେଉ,
ସୁନୀତା କୋଳରୁ ହେଉ ଅବା ଦେବକୀ କୋଳରୁ ହେଉ ।
ଛଡାଇ ନେଲେ କଣ କଥା ସରିଗଲା?
ଦେବକୀ କୋଳରୁ ବାରମ୍ବାର ଛଡାଇ ନେଇ
କଂସ କଣ ତାର ପତନ ଆଡେଇ ପାରିଲା ?
ଶୁଭୁଛି କି ଗେହସ ଦିଗଲ
ସୁନୀତା କୋଳରୁ ଯାଇ
କିପରି କରୁଅଛି ଶୂନ୍ୟବାଣୀ
ବଢୁଛି କୃଷ୍ଣ ପରି କେହି ଆଉ କେଉଁ ମା ର କୋଳରେ
ଅତ୍ୟାଚାରୀ କଂସ ସଂହାରୀବାକୁ?
ଜାଣେ ନା ଏହି ଶୂନ୍ୟବାଣୀ
ସେମାନଙ୍କୁ ଶୁଭୁଛି କି ନାହିଁ
ଯେଉଁମାନେ ତାକୁ ତା ମା କୋଳରୁ ଛଡାଇନେଲେ
ଓ ନିଜ ସଂହାରର ବାଟ ଫିଟାଇଲେ ।
(ରଚନା-୨୩/୭/୨୦୧୬)
(ଜୁଲାଇ ୮, ୨୦୧୬ । କନ୍ଧମାଳ ଜିଲ୍ଲାର ଗୁମୁଡିମାହା ଗ୍ରାମରେ ରାତିର ଅମା ଅନ୍ଧକାରରେ ପୁଲିସ ଗୁଳିରେ ୫ ଜଣ (୪ ବୟସ୍କ ଓ ୧ ଶିଶୁ) ମୃତ୍ୟୁ ବରଣ କରିଥିଲେ । ଶିଶୁଟିର ନାଁ ଥିଲା ଗେହସ ଦିଗଲ । ମାର ନାଁ ହେଉଛି ସୁନୀତା । ଗେହସର ମୃତ୍ୟୁ ମା କୋଳରେ ହିଁ ହୋଇଥିଲା ।)
