ନାକ

Share Samadhwani

ପୁରୁଷର ନାକ ପାଇଁ
ନାକ ଦେବାକୁ ପଡ଼େ ନାରୀକୁ,
ପୂରାଣରେ ସୂର୍ପଣଖାକୁ,
ଏକବିଂଶ ଶତାବ୍ଦୀରେ
ଆଫଗାନ୍ କନ୍ୟା
ଆୟେଷାଞ୍ଚକୁ ।
ଏବେ ଧମକ ‘ପଦ୍ମାବତୀ’ ସିନେମାର ନାୟିକା ଦୀପିକା ପାଦୁକୋନକୁ ।ଞ୍ଚଞ୍ଚ

ସତେ ଯେପରି ନାରୀ ପାଇଁ ବଦଳିନି ଯୁଗ
ରାମାୟଣ ଯୁଗରୁ
ତାଲିବାନ ସମୟ ପର୍ଯ୍ୟନ୍ତ,
ପୁରୁଷର ସମ୍ମାନ ପାଇଁ
ସେ ଯେପରି ସବୁବେଳେ ବଳି
ସତ୍ୟଯୁଗରୁ କଳିଯୁଗ ପର୍ଯ୍ୟନ୍ତ ।

କ୍ରୀଡ଼ନକ ସବୁବେଳେ ସେ ପୁରୁଷ ହାତରେ ।
ବାଜି ବି ଲାଗିଛି ସେ, ପୁରୁଷ ପକାଇଥିବା ପଶା ଓ ପାଲିରେ ।
ବସ୍ତ୍ରମୁକ୍ତ କରିଅଛି ତାକୁ ଦୁଃଶାସନ ପୁରୁଷ ସଭାରେ,
ତା’ ନଗ୍ନ ଶରୀର ଛାପ ଆଜି ବଜାରର ପ୍ରତିଟି ବସ୍ତୁରେ,
କ୍ରୀଡ଼ନକ ସବୁବେଳେ ସେ ପୁରୁଷ ହାତରେ
ହେଉ ପୁରାଣ ଯୁଗରେ
ଅବା ଆଜିର ଯୁଗରେ ।

କେଜାଣି କେଉଁ ଦିନ
ଏ ସମୟ ବଦଳିବ
କିଣା ବିକା ‘ଚିଜ’ ନୁହେଁ,
ନିରୋଳା ବ୍ୟକ୍ତି ଭାବେ
ନାରୀ ସ୍ୱୀକୃତି ପାଇବ?
ଅପେକ୍ଷା, ସେ ସମୟ
କେବେ ଯେ ଆସିବ?

(ପ୍ରଥମ ରଚନା ୨୦୧୩, ସମ୍ପ୍ରସାରିତ: ଡିସେମ୍ବର ୨୦୧୭)

Photo credit – internet


Share Samadhwani
Support Samadhwani

About ପ୍ରଫେସର ବୀରେନ୍ଦ୍ର ନାୟକ

ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

କଥା ସାହିତ୍ୟର କୁହୁକ ପୁରୁଷ ଗାବ୍ରିଏଲ୍ ଗାର୍ସିଆ ମାକ୍ୱେର୍ଜ୍‌

Share Samadhwaniଆପଣ ଲେଖାଲେଖି ଆରମ୍ଭ କଲେ କେମିତି- ପ୍ରଶ୍ନଟିର ଉତ୍ତର କ’ଣ ଏତେ ସହଜ ହୋଇପାରେ? ମାକ୍ୱେର୍ଜ୍ କିନ୍ତୁ ଖୁବ୍ …