ମୁଁ ନଈମାନଙ୍କୁ ଚିହ୍ନେ :
ମୁଁ ନଈମାନଙ୍କୁ ଚିହ୍ନେ ପ୍ରାଚୀନ ପୃଥିବୀ ଭଳି
ମଣିଷର ଶିରା ଧମନୀରେ ବହୁଥିବା ରକ୍ତଠାରୁ
ଅଧିକ ପୁରୁଣା ।
ଆତ୍ମା ମୋର ନଈମାନଙ୍କ ଭଳି ଗଭୀର ହୋଇଯାଏ।
ଯେତେବେଳେ ସିନ୍ଦୁରା ଫାଟେ
ମୁଁ ଇଉଫ୍ରେଟିସ୍ ରେ ସ୍ନାହାନ ଶେଷ କରେ ।
କଙ୍ଗୋ ନଦୀ କୂଳରେ କୁଡିଆ ମୋର ଆଉ ତାହାର ନାନାବାୟା ଗୀତରେ ଆଖିରେ ମୋର ବେଶ୍ ଗହମ ନିଦ ।
ମୁଁ ନୀଳନଦୀକୁ ଚାହେଁ ଆଉ ତାହା ଉପରେ ପିରାମିଡ୍ କୁ ଟିକିଏ ଟେକିଧରେ ।
ମିସିସିପି ର ଗୀତ ଶୁଣେ ଯେତେବେଳେ
ଆବେ ଲିଙ୍କନ ନିଉଅର୍ଲିଆନ୍ସକୁ ଯାଉଥାନ୍ତି
ଆଉ ମୁଁ ଦେଖେ ସେହି କାଦୁଆ ପଚପଚ ରାସ୍ତା
କେମିତି ସୁବର୍ଣ୍ଣ ସମ ଝଲମଲ କରୁଥାଏ ସୂର୍ଯ୍ୟାସ୍ତରେ ।
ମୁଁ ନଈମାନଙ୍କୁ ଚିହ୍ନେ :
ପ୍ରାଚୀନ ଆଉ କୁହୁଡିରେ ଭରା।
ଆତ୍ମା ମୋର ନଈମାନଙ୍କ ଭଳି ଗଭୀର ହୋଇଯାଏ ।
ଲାଙ୍ଗଷ୍ଟନ ହ୍ୟୁଗସ୍ (୧୯୦୧-୧୯୬୭) ଚର୍ଚ୍ଚିତ ଆମେରିକୀୟ ପ୍ରତିବାଦୀ କବି। ବର୍ଣ୍ଣବୈଷମ୍ୟ ବିରୁଦ୍ଧରେ ସେ ଥିଲେ ଜଣେ ସଶକ୍ତ କାବ୍ୟସ୍ୱର।
ଆମେରିକାର ଜାଜ୍ ପୋଏଟ୍ରି ବୋଲି ଏକ କାବ୍ୟଧାରା ସେ ଅନ୍ୟତମ ପ୍ରବର୍ତ୍ତକ । ପ୍ରଥମ ଫେବ୍ରୁଆରୀ ଥିଲା କବିଙ୍କ ଜନ୍ମଦିନ ।
ସୃଜନକାର ମାନଙ୍କର ସ୍ମରଣରେ ଏହି କବି ଜଣକ ରହିବା ଆବଶ୍ୟକ ଯେଉଁମାନେ ବିଶ୍ୱାସ କରନ୍ତି ପ୍ରତିବାଦ ସାହିତ୍ୟର ଏକ ପ୍ରମୁଖ ବିଭବ।
