Home / ସାହିତ୍ୟ ସଂସ୍କୃତି / ବ୍ୟକ୍ତି ଓ ବ୍ୟକ୍ତିତ୍ୱ / ବିଶିଷ୍ଟ ଚିତ୍ରଶିଳ୍ପି ତଥା ଚିତ୍ରକଳାର ବିଶିଷ୍ଟ ସମୀକ୍ଷକ ଶ୍ରୀ ଦୀନନାଥ ପାଠୀଙ୍କୁ ‘ସମଧ୍ୱନି ପରିବାର’ ତରଫରୁ ଶ୍ରଦ୍ଧାଞ୍ଜଳୀ…

ବିଶିଷ୍ଟ ଚିତ୍ରଶିଳ୍ପି ତଥା ଚିତ୍ରକଳାର ବିଶିଷ୍ଟ ସମୀକ୍ଷକ ଶ୍ରୀ ଦୀନନାଥ ପାଠୀଙ୍କୁ ‘ସମଧ୍ୱନି ପରିବାର’ ତରଫରୁ ଶ୍ରଦ୍ଧାଞ୍ଜଳୀ…

Share Samadhwani

ଆମରି ଗହଣରେ ଏମିତି କିଛି କଳାକାର ଅଛନ୍ତି ଯେଉଁମାନଙ୍କୁ ଭାଷାର ପରିଧିରେ ବାନ୍ଧିରଖିବା ସମ୍ଭବ ନୁହଁ । ଯେଉଁମାନେ ଭାଷା, ବର୍ଣ୍ଣନା ଓ ଚିନ୍ତାର ଦିଗନ୍ତ ପାରକରି ଶବ୍ଦହୀନ ରଙ୍ଗୀନ ସାମ୍ରାଜ୍ୟରେ ବିଚରଣ କରନ୍ତି । ସ୍ୱର, ତାଳ, ଘୁଙ୍ଗୁରର ମୂର୍ଚ୍ଛନା ପରି ରଙ୍ଗର ତୂଳି ଭାବନାର ସାମ୍ରାଜ୍ୟକୁ ଲଙ୍ଘି ଯାଇଥାଏ । ତାଙ୍କ ତୂଳି ହିଁ ଭାଷା ଓ ଭାବନା ଭିତରେ ସେତୁଟିଏ ତିଆରି କରେ । ସେହିଭଳି ବ୍ୟକ୍ତିତ୍ୱ ଜଣେ ହେଉଛନ୍ତି ଦୀନନାଥ ପାଠୀ । ପେଶାରେ ଶିକ୍ଷକ, ନିଶାରେ କଳାକାର ସାଙ୍ଗକୁ କଳା ଓ ସଂସ୍କୃତିର ଜଣେ ନିଷ୍ଠାପର ସମୀକ୍ଷକ ।

ଦିଗପହଣ୍ଡି ଗଡ଼ର ପ୍ରସିଦ୍ଧ ବୈଦ୍ୟରତ୍ନ ପରିବାରରେ ୧୯୪୨ ମସିହାରେ ତାଙ୍କର ଜନ୍ମ । ତିନି ପୁରୁଷ ଧରି ପରିବାର ତାଙ୍କର କଳା ସହ ଏକାତ୍ମ ହୋଇଆସିଛି । ଶାନ୍ତିନିକେତନ ଓ ଜୁରିକ୍ରେ କଳା ଶିକ୍ଷା ଗ୍ରହଣ କରିବା ପରେ ନିଜ ମାଟି ଓ ଦେଶ ବିଦେଶର ଅନୁଭୂତିକୁ ଏକାଠି କରି ସେ ଭିନ୍ନ ଏକ ଚିନ୍ତନ ଦେଇଛନ୍ତି କଳା କ୍ଷେତ୍ରରେ । ତାଙ୍କର ଯୁକ୍ତିରେ ମଣିଷର ଜୀବନ ଜୀବୀକା ଓ ମାଟିର ସଂସ୍କୃତି ହିଁ କଳାରେ ପ୍ରକାଶ ପାଇଥାଏ । ଅଧୁନିକ ଚିତ୍ରକଳାର ସେ ଜଣେ ବିଶିଷ୍ଟ ସମୀକ୍ଷକ । ୨୯ ଅଗଷ୍ଟ, ୨୦୧୬ ଦିନ ୭୪ ବର୍ଷ ବୟସରେ ଅକସ୍ମାତ୍ ହୃଦଘାତରେ ଏହି ମହାନ କଳାକାରଙ୍କର ଦେହାନ୍ତ ହୋଇଛି । ଅସମୟରେ ତାଙ୍କର ନିଧନ ସମଗ୍ର କଳା ଦୁନିଆ ପାଇଁ ଏକ ଅପୂରଣୀୟ ଶୂନ୍ୟସ୍ଥାନ ସୃଷ୍ଟି କରିଛି । ତାଙ୍କର ସ୍ମୃତିଚାରଣ କରି ଶ୍ରଦ୍ଧାଞ୍ଜଳି ଜଣାଇବାପାଇଁ  ଚିତ୍ରକର ଶ୍ରୀ ଅଶୋକ କୁମାର ମହାନ୍ତି  ଲେଖାଟିଏ ପ୍ରସ୍ତୁତ କରିଛନ୍ତି ଏବଂ ଅନ୍ୟଏକ ଲେଖାରେ ଜଣେ କଳାପ୍ରିୟ ମଣିଷ ତଥା ଯୁବ ସମୀକ୍ଷକ ଶୈଳେନ୍ ରାଉତରାୟ ଦୀନନାଥ ପାଠୀଙ୍କର ଆତ୍ମଜୀବନୀ- ‘ପୁଞ୍ଚି କୟାଁର ଫକୀର’ର ସମୀକ୍ଷା କରି ତା’ର କିଛି ଅଂଶକୁ ଉପସ୍ଥାପନ କରିଛନ୍ତି ।           – ସମ୍ପାଦକ

photo credit- internet


Share Samadhwani
Support Samadhwani

About ସ୍ୱୟଂପ୍ରଭା ପାଢ଼ୀ

ସ୍ଵୟଂପ୍ରଭା ପାଢ଼ୀ ଜଣେ ଗାୟିକା, ଗବେଷିକା ଓ ସମ୍ପାଦକ ଅଟନ୍ତି । ସେ ସମଧ୍ୱନି ପତ୍ରିକାର ସମ୍ପାଦକ , ସମଧ୍ୱନି ସାଂସ୍କୃତିକ ସଂଗଠନ (୨୦୦୫ ମସିହାରୁ ଓଡ଼ିଶାରେ କାମକରୁଛି) ଓ ସମଧ୍ୱନି ସାଂସ୍କୃତିକ ଗବେଷଣକେନ୍ଦ୍ରର ମୁଖ୍ୟ। ସମଗ୍ର ଓଡିଶାରେ ସାଂସ୍କୃତିକ ବାତାବରଣ ତିଆରି କରିବା ଓ ସାଧାରଣ ଲୋକମାନଙ୍କ ସ୍ୱରକୁ ସାଂସ୍କୃତିକ ମାଧ୍ୟମରେ ତୋଳିଧରିବା ପାଇଁ ସେ କାମ କରିଚାଲିଛନ୍ତି।

Check Also

ଅବିସ୍ମରଣୀୟ ପ୍ରତିଭା କେଶବ କବିଙ୍କ ସ୍ମରଣେ

Share Samadhwaniଯେପରି ବଣ ମଲ୍ଲୀ ଅରଣ୍ୟ ବନାନୀ ରେ ପ୍ରସ୍ଫୁଟିତ ହୋଇ ଵୃନ୍ତ ଚ୍ୟୂତ ହୋଇଯାଇ ବନ ଭୂମିରେ ଖସିପଡେ …