Home / ସାହିତ୍ୟ / କବିତା / ମୋତେ ହତିଆର କର ନାହିଁ

ମୋତେ ହତିଆର କର ନାହିଁ

ଯେଉଁ ଲେଖା ତୁମକୁ ନ ସୁହାଇଲା

ତା ବିରୁଦ୍ଧରେ ଲଗାଇଲ ଦେଶଦ୍ରୋହର ମାମଲା,

ଦେଶକୁ ପଚାରୁଛି କିଏ ଯେ

ଲେଖକର ଲେଖାରେ

କେତେ ଦ୍ରୋହ ଥିଲା?

ଦେଶ ତେଣୁ କ୍ଷୁବ୍ଧ-

ସେ କରୁଛି ପ୍ରଶ୍ନ – ,

“ତୁମେ ସତେ ମତେ

କେତେ ଦୁର୍ବଳ ନ ଭାବୁଛ ଯେ,

କାହାର ଲେଖାରେ ମୁଁ

ଖଣ୍ଡ ବିଖଣ୍ଡିତ ହେବି ଓ

ସତ୍ତା ହରାଇବି?”

“ମୋ ଉପରେ ତୁମର ବିଶ୍ୱାସ କୁ ପ୍ରଶ୍ନ କରୁଛି,

ସେମାନଙ୍କର ଲେଖାକୁ ନୁହେଁ,

ଯାହାଙ୍କୁ ଦେଶଦ୍ରୋହୀ କହି ମାମଲା ଠୁକୁଁଛ

ଓ ମୋତେ ପ୍ରକାରାନ୍ତେ ଦୁର୍ବଳ କହୁଛ ।

“ଅନୁରୋଧ, ମୋତେ ଅପମାନିତ କର ନାହିଁ ।

ପୁଣି କହୁଛି

ମୁଁ ଏତେ ଭଂଗୁର ନୁହେଁ ଯେ

କାହାରି ଲେଖାରେ ଖଣ୍ଡ ବିଖଣ୍ଡିତ ହେବି

ଓ ସତ୍ତା ହରାଇବି ।

ଅନୁରୋଧ, କ୍ଷମତା ଦଖଲ ପାଇଁ

ମୋତେ ହତିଆର କର ନାହିଁ ।

ଯଦି ମୋତେ ମା କହୁଛ

ତାହାହେଲେ ଆନନ୍ଦିତ ହୁଅ ଦେଖି

ମୁଁ କିପରି ମୋ କୋଳରେ ନିର୍ବିକାର ସଭିଙ୍କୁ ଧରିଛି ”

Photo credit- https://bit.ly/2QzyXwl

About ପ୍ରଫେସର ବୀରେନ୍ଦ୍ର ନାୟକ

ପ୍ରଫେସର ବୀରେନ୍ଦ୍ର ନାୟକ
ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

ମରିନାହିଁ ସେ ତ ମରଣଜୟୀ(ରାଧାମୋହନ ଗଡ଼ନାୟକଙ୍କ ସ୍ମୃତିରେ )

କାଳ ମହରଗ ପଡିଥିଲା ଭାରି ଭୟଙ୍କର ନ’ଅଙ୍କର ସୁନାର ଆମର ଉତ୍କଳ ଆମର କାଳିମା ଛୁଇଁ ହାଡ଼ମାଳ ଘେନି ଦିଶୁଥିଲା …

Leave a Reply

Your email address will not be published. Required fields are marked *