ଚମାଖଣ୍ଡି

Share Samadhwani

ଧୂସର ଧୂମ୍ର ବଳୟ ଭିତରେ

ହଜିବାର ଭବିଷ୍ୟତ ନେଇ

ଏ ପୃଥିବୀ ପୃଷ୍ଠକୁ ତୁ କଣ

ଆସିଥିଲୁ ଚମାଖଣ୍ଡି?

ତୋର ସବୁଜିମା

ତୋର ରତ୍ନଗର୍ଭା ମାଟି

ତା ଉପରେ

ଖେଳୁଥିବା ପିଲାର ଅଧିକାର

ସବୁକୁ ତୁ ଆଦରିଥିଲୁ

ତୁ ଚମାଖଣ୍ଡି;

ପୁରୁଷ ପୁରୁଷ ଧରି

ତୋ କୋଳରେ ବୁଲୁଥିବା

ମଣିଷକୁ ପରା ଦେଇଥିଲୁ

ଠିକଣା, ତୁ ଚମାଖଣ୍ଡି ।

ତୁ କଣ କେବେ

ସେ ଠିକଣା ନିଶ୍ଚିହ୍ନ ହେବାର

ଭବିଷ୍ୟତ ନେଇ

ଏ ପୃଥିବୀ ପୃଷ୍ଠକୁ

ଆସିଥିଲୁ ଚମାଖଣ୍ଡି?

ତୋ ମାଟିର ମଣିଷକୁ ଠିକଣା ଦେଇଥିଲୁ

ମାଟିରୁ ଦେଇଥିଲୁ

ଧାନ, ମୁଗ, ମାଣ୍ଡିଆ;

ସୁବାସିତ କରିଥିଲୁ ପବନକୁ

ମାଳ ମାଳ ବୁଦାରୁ ଫୁଟିଥିଲା

କିଆ,

ସେ ସବୁ କଣ ହଜିଯିବ?

ଧୂସର ଧୂମ୍ର ବଳୟ ଭିତରେ

ବିଲୁପ୍ତ ହୋଇବ?

Photo credit-https://bit.ly/3wPpC9Y

(ରଚନା ୧୯୯୭)

(ଞ୍ଚଚମାଖଣ୍ଡି ଗଂଜାମ ଜିଲ୍ଲାର ଗୋପାଳପୁର ଠାରେ ପ୍ରସ୍ତାବିତ ଇସ୍ପାତ କାରଖାନା ଇଲାକା ଭିତରେ ଅବସ୍ଥିତ ଏକ ଗାଁ)


Share Samadhwani
Support Samadhwani

About ପ୍ରଫେସର ବୀରେନ୍ଦ୍ର ନାୟକ

ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

ପ୍ରଥମ ଓଡ଼ିଆ ଦଳିତ ଉପନ୍ୟାସ : ଏକ ଦୃଷ୍ଟି

Share Samadhwaniଦୁନିଆର ବହୁତ କଥାକୁ ବୁଝିହୁଏ ସିନା ଅସଲରେ ବୁଝେଇ ହୁଏ ନାହିଁ । ‘ସାହିତ୍ୟ’ ବି ସେଭଳି ଏକ …