Home / ସାହିତ୍ୟ / କବିତା / ଚିତ୍ରଗୁପ୍ତଙ୍କ ହସ

ଚିତ୍ରଗୁପ୍ତଙ୍କ ହସ

ଚିତ୍ରଗୁପ୍ତଙ୍କ ହସ
ଶୁଭୁଛି ସ୍ୱର
ଧମକର,
କହିବାର
ଶୁଣ ଚିତ୍ରଗୁପ୍ତ
ଯମ ନୁହେଁ
ଯେଉଁ ସଂଖ୍ୟା ଆମେ ଦେବୁ
ତାକୁ ହିଁ ପାଞ୍ଜିରେ ତୁମେ
ଦରଜ କର
ଅନ୍ୟଥା ବନ୍ଦ କର
ତୁମର ଦପ୍ତର ।
ଶୁଭୁଛି ସେମାନଙ୍କ ସ୍ୱର
କହିବାର
ସେ ଥିଲା ଏକ ଭିନ୍ନ ‘ଲୋକ’
ନାଁଥିଲାଯମଲୋକ
ଯେଉଁଠି ଯମ ଥିଲେ ସର୍ବମୟ କର୍ତ୍ତା
ତୁମେ ସେଠି ଥିଲ ତାଙ୍କ ପଂଜିକାର।
ସେ ସମୟ ବଦଳିଛି
ଏବେ ନୂଆ ‘ଲୋକ’
ହୋଇଛି ଗଠିତ
ସେଠି ଯମ ନିର୍ବାସିତ
ଏ ‘ଲୋକ’ ରେ ତାଙ୍କ ତଥ୍ୟ
ସବୁ ମିଥ୍ୟା
ଆମର ଘୋଷଣା।
ଆମ ଠାରୁ ଯେଉଁ ତଥ୍ୟ ଯିବ
ତାହାହିଁ ପାଞ୍ଜିରେ ତୁମେ
ଦରଜ କରିବ
ଏହାହିଁ ଆଦେଶ ଆମର
ତାହାକୁ ହିଁ ସତ୍ୟ ଧରାଯିବ।
ଆଉ ଯମ ଯଦି ଆସେ,
ତୁମେ ତାକୁ କବାଟ କିଳିବ।
ଏହାହିଁ ଆଦେଶ ଆମର
ଯଦି କରିବ ପାଳନ
ତାହା ହେଲେ ତୁମେ ହେବ
ଏହି ନୂଆ ‘ଲୋକ’ ର ପଂଜିକାର
ଅନ୍ୟଥା ବନ୍ଦ କର ତୁମର ଦପ୍ତର
ଛାଡି ଦିଅ ତୁମର ଆସ୍ଥାନ
ବସିବାକୁ ଧାଡି ବାନ୍ଧିଛନ୍ତି
ବହୁ ଗୁରୁଜନ।
ଚିତ୍ରଗୁପ୍ତ ହସୁଥିଲେ
କ୍ଷମତାନ୍ଧଙ୍କୁ କ୍ଷମା କର
ପ୍ରାର୍ଥନା କରୁଥିଲେ।
—–ବୀରେନ୍ଦ୍ର ନାୟକ
୨ ଜୁଲାଇ ୨୦୨୧

Photo credit- https://bit.ly/3yppPxU

About ପ୍ରଫେସର ବୀରେନ୍ଦ୍ର ନାୟକ

ପ୍ରଫେସର ବୀରେନ୍ଦ୍ର ନାୟକ
ଗଣିତ ବିଭାଗର ପ୍ରଫେସର, ଲେଖକ, ସମାଲୋଚକ, ସମାଜବିଜ୍ଞାନୀ

Check Also

ମୋତେ ହତିଆର କର ନାହିଁ

ଯେଉଁ ଲେଖା ତୁମକୁ ନ ସୁହାଇଲା ତା ବିରୁଦ୍ଧରେ ଲଗାଇଲ ଦେଶଦ୍ରୋହର ମାମଲା, ଦେଶକୁ ପଚାରୁଛି କିଏ ଯେ ଲେଖକର …

Leave a Reply

Your email address will not be published. Required fields are marked *