ସଙ୍ଗୀତ କାହାକୁ କହିବା ପରଦେଶୀ ସାଥି… ସୁଧୀର ପଟ୍ଟନାୟକ Published March 8, 2018 236 Views Share 1 Min Read SHARE https://samadhwani.com/wp-content/uploads/2018/02/Track-4.mp3?_=1 କାହାକୁ କହିବା ପରଦେଶୀ ସାଥି କିଏ ଏଠି ପ୍ରତିବେଶୀ ନିଜେ ବାଛୁଥିବା ଶାସକଟା ଯଦି କାଢ଼ିନିଏ ଗୋଡ଼ତଳ ମାଟି । ପାଦର ଶିକୁଳି ଫିଟିଗଲା ବୋଲି ଦେଖିଥିଲେ କେତେ ସ୍ୱପ୍ନ ସ୍ୱରାଜ୍ୟ ସୂରୁଜ ଆକାଶେ ଉଇଁବ ନୂଆ ସମାଜର ହେବ ଜନ୍ମ । ନରହିବ ଆଉ ଜାତିଧର୍ମ ଭେଦ ପେଟକୁ ମିଳିବ ଦାନା ମୁଣ୍ଡ ଗୁଞ୍ଜିବାକୁ ଚାଳଟିଏ ଥିବ ଦେହକୁ ମିଳିବ କନା । ସପନ ଆମର ସପନରେ ଅଛି ପାହିତ ଯାଉଛି ରାତି କାହାକୁ କହିବା ପରଦେଶୀ ସାଥି … କମାର ବୁଡ଼ିଲା କୁମ୍ଭାର ବୁଡ଼ିଲା ବୁଣାକାର ଗଲା ହଜି । ବଢ଼େଇ ବେଉଷା ବେପାରିଏଁ ନେଲେ । ଲୁହ ନିଗାଡ଼ୁଛି ଚାଷୀ । । କ୍ଷେତର ମୂଲିଆ ସର୍ବହରା ହେଲା ବଣ ହେଲା ହତଶିରୀ ଦେଶିଆ ଶାସକ ବିଦେଶୀ ସାଜିଲେ ଗଲା ଆମ ସୁଖ ଶିରୀ ସ୍ୱରାଜ୍ୟ ବାସନା ମନରୁ ଯାଇନି ଦେଶଟା ଗଲାଣି ହଜି କାହାକୁ କହିବା ପରଦେଶୀ ସାଥି…. ଗାଁ ହଜିଯାଏ କମ୍ପାନୀ ବୁକୁରେ ସହର ଛାତିରେ ନିଆଁ ନୂଆ ସମାଜର ନିରିମାତା ମାନେ ଚିନ୍ତା ବା କରିବେ କିଆଁ କୁହ ତୁମେ ଆଜି କାହା କବରରେ ଲେଖିବ ହେ ଈତିହାସ ଶହେଦଶ କୋଟି ଦେଶଟାରେ ଯଦି ଶହେକୋଟି ହେବେ ନାଶ ଦେଖି ତୁମ ଲୀଳା ରକତ ଆମର ଯାଇଛି ଆଜିହେ ତାତି କାହାକୁ କହିବୁ ପରଦେଶୀ … Share This Article Facebook Twitter Whatsapp Whatsapp By ସୁଧୀର ପଟ୍ଟନାୟକ ଗୀତିକାର , ସମଦୃଷ୍ଟି ପାକ୍ଷିକ ପତ୍ରିକାର ସମ୍ପାଦକ, ମୁକ୍ତ ସାମ୍ବାଦିକ, ସମାଜବିଜ୍ଞାନୀ Previous Article ପ୍ରେମ ଓ ମୈତ୍ରୀ ଭାବନା ନାରୀର ଏକ ଅନନ୍ୟ ପ୍ରବୃତ୍ତି (ବାର୍ତ୍ତାଳାପ- ପ୍ରଫେସର ଭଗବତ ପ୍ରସାଦ) Next Article ଜଗନ୍ନାଥ ତତ୍ତ୍ୱର ମୂଳକଥା – ୧