ମୃତ୍ୟୁରେ ଶୋକ ଆଉ ନାହିଁ,
ବ୍ୟଥା ନାହିଁ ଆଉ ବିଚ୍ଛେଦରେ ।
ପ୍ରେମ ନାହିଁ ଆଲିଂଗନେ ଆଉ,
ତୃପ୍ତି ଅଛି କାଗଜ ଫୁଲରେ ।ା
ଆକାଶ ହରାଇଛି ବ୍ୟାପ୍ତି,
ସଙ୍କୁଚିତ ହୋଇଛି ସେ ଟଂଗା ଚାନ୍ଦୁଆରେ ।
ଦୃଷ୍ଟିରୁ ଦୂରତା ହଜିଛି,
ନାହିଁ ମଧୂ ଆଉ ବଂଚିବାରେ ।ା
ମୃତ୍ୟୁରେ ଶୋକ ଆଉ ନାହିଁ,
ବ୍ୟଥା ନାହିଁ ଆଉ ବିଚ୍ଛେଦରେ ।
ସ୍ୱପ୍ନ ଆଉ ନିଦ କୋଳେ ନାହିଁ,
ପ୍ରବାହ ବି ନାହିଁ ବନ୍ଧୁତାରେ ।
ଯେ ଯେଉଁଠି ଥିବା କଥା ସେ ସେଠାରେ ନାହିଁ,
ଦିଶେ ଆଜି ଜଳ ଜଳ ଜୀବନର ସୂର୍ଯ୍ୟାସ୍ତ ବେଳାରେ ।ା
ମୃତ୍ୟୁରେ ଶୋକ ଆଉ ନାହିଁ,
ବ୍ୟଥା ନାହିଁ ଆଉ ବିଚ୍ଛେଦରେ ।
(ରଚନା ୬/୯/୨୦୧୦)
