Home / ଦୃଶ୍ୟ ଓ ଶ୍ରାବ୍ୟ / ଭିଡିଓ / କୋଦାଳରେ କୋଡିଲା କେ ସରଗର କିଆରୀ (ଓଡ଼ିଆ ଲୋକଗୀତ)

କୋଦାଳରେ କୋଡିଲା କେ ସରଗର କିଆରୀ (ଓଡ଼ିଆ ଲୋକଗୀତ)

କୋଦାଳରେ କୋଡିଲା କେ ସରଗର କିଆରୀ…, ଗାୟକ ହୀରାଲାଲ ପାଢ଼ୀ (ଅବସରପ୍ରାପ୍ତ ସରକାରୀ କର୍ମଚାରୀ ) ଙ୍କ ସ୍ୱରରେ ପରିବେଷଣ ହୋଇଥିବା ଓଡ଼ିଶାର ଏକ ପୁରାତନ ଲୋକଗୀତ । ଗାୟକ ହୀରାଲାଲ ପାଢ଼ୀ ଜୀବନ ସାରା ଓଡ଼ିଆ ଲୋକଗୀତ ଗାଇ ଭଦ୍ରକ ଓ ବାଲେଶ୍ୱର ଜିଲ୍ଲାର ଗାଁ ଗାଁରେ ନିଜର କଳାକାରୀତା ଓ ଓଡ଼ିଆ ଲୋକ ଗୀତର ମାଧୁର୍ଯ୍ୟତା ପ୍ରକାଶ କରି ଆସିଛନ୍ତି ।ଏଠାରେ ପ୍ରସ୍ତୁତ କରାଯାଇଥିବା ଭିଡ଼ିଓ ରେ ତାଙ୍କରି ସ୍ୱର ଶୁଣିବାକୁ ମିଳିଛି ଯାହା ନିଜ ଘରେ ବସିଥିବାବେଳେ ବିନା କିଛି ପ୍ରସ୍ତୁତିରେ ଖିଆଲୀ ମନର ଏକ ପରିବେଷଣ ଅଟେ । ଲୋକକଳାର ଜଣେ ଗୁଣି କଳାକାର ଓ ଜଣେ ଭଲ ଚାଷୀ ସେ, ସେଥିପାଇଁ ତାଙ୍କ ସ୍ୱରରେ ଚାଷୀ ପ୍ରତି ଯେଉଁ ଦରଦ ଭରିରହିଛି ତାହା ଅତ୍ୟନ୍ତ ନିଆରା ।

ଭିଡ଼ିଓରେ ଯେଉଁ ଚାଷକାମର ପ୍ରଦର୍ଶନ କରାଯାଇଛି ତାହା ଶ୍ରୀଯୁକ୍ତ ନଟବର ଷଡଙ୍ଗୀଙ୍କ ଉଦ୍ୟମରେ ଚାଲିଥିବା ଦେଶୀ ଚାଷର ଏକ ନମୁନା । ଶ୍ରୀଯୁକ୍ତ ନଟବର ଷଡଙ୍ଗୀ ହେଉଛନ୍ତି ଖୋର୍ଦ୍ଧା ଜିଲ୍ଲା ନରିଶୋ ଗାଁର ଜଣେ ଅବସର ପ୍ରାପ୍ତ ଶିକ୍ଷକ । ବୟସ ଏବେ ପାଖାପାଖି ୮୬ ହେବ । ଚାଷ କରିବାର ନିଶା ମରିନାହିଁ ବରଂ ଦିନକୁ ଦିନ ଏହି ନିଶା ବଳବତ୍ତର ହେଉଛି । ନିଜର ପାଖାପାଖି ଦଶ ଏକର ଜମିରେ ଜାରି ରଖିଛନ୍ତି ଦେଶୀ ଚାଷ ବା ଓଡ଼ିଶାର ପାରମ୍ପରିକ ଚାଷ । ଦେଶୀ ଧାନ ବିହନକୁ ବହୁଦେଶୀୟ କମ୍ପାନୀମାନେ କବଜା କରିଥିବାବେଳେ ଓଡିଶାବାସୀଙ୍କର ଭବିଷ୍ୟତର ଖାଦ୍ୟ ସୁରକ୍ଷା ବିପର୍ଣ୍ଣ ହେବ ଆଶଙ୍କା କରି ନିଜ ଜମିରେ ସେ ନିଜ ଉଦ୍ୟମରେ ବଞ୍ଚାଇ ରଖିଛନ୍ତି ୬୫୦ ପ୍ରକାରର ଦେଶୀ ଧାନ ବିହନ । ସବୁଜ ବିପ୍ଳବ ପରେ ଆଜି ଚାଷୀ ପାରମ୍ପରିକ ଚାଷକୁ ପୁରାପୁରି ଭୁଲିଯାଇଥିବା ବେଳେ ତାଙ୍କର ଏହି ଅସାମାନ୍ୟ ଉଦ୍ୟମ ପୁଣିଥରେ ନୂଆ ଆଶାର ସଂଚାର କରୁଛି ଓ ପୁଣିଥରେ ଗାଁ ଗୁଡିକର ସେହି ସୁନ୍ଦର ଦିନ ଫେରାଇ ଆଣିବାର ପ୍ରେରଣା ମିଳୁଛି । ସେହି ବୃହତ୍ତର ଉଦ୍ଦେଶ୍ୟକୁ ସମ୍ମାନ ଜଣାଇ ଏହି ଲୋକଗୀତଟିକୁ “ସମଧ୍ୱନି” ଏଠାରେ ଉପସ୍ଥାପନ କରିଛି – ସମ୍ପାଦକ

About Editor

କଳାକାର, ସମଧ୍ୱନି ଇ - ପତ୍ରିକା ଓ ତ୍ରୟୋମାସିକ ପତ୍ରିକାର ସମ୍ପାଦକ, ସାଂସ୍କୃତିକ କର୍ମୀ, ସାମ୍ବାଦିକ

Check Also

Featured Video Play Icon

ଭାବର ପର୍ବ ନୂଆଖାଇ : ଦେବରାଜ ମହାନନ୍ଦଙ୍କ ସହ ସାକ୍ଷାତକାର

Leave a Reply

Your email address will not be published. Required fields are marked *